ނޫޑްލްސް ވިތް ގްރިލްޑް ފިޝް

މިއީ ފިޔާއާއި ތަރުކާރީއާއެކު ހަލާލާފައިވާ ނޫޑްލްސްގެ މަތީގައި، ލުނބޯ، ސޯޔާ ސޯސް އަދި މިރުހުގެ ރަހަ ވައްދާފައި ފިހާ މަސްފޮތި އަތުރާލައިގެން ހަދާ ކެއުމެކެވެ. ފަސޭހައިން ހެދޭ، ބަނޑުފުރޭ ކެއުމެކެވެ.

ބޭނުންވާ ތަކެތި

• 1 ޕެކެޓް ނޫޑްލްސް (ކައްކާފައި)

• 1 ފިޔާ (ކޮށާފައި)

• 1 ޖޯޑު ކޮށާފައިވާ ލީކްސް، ގްރީން ބީންސް އަދި ކެޕްސިކަމް

• 1 މޭޒުމަތީ ސަމުސާ ވިނިގަރ

• 3 މަސްފޮތި (ތުނިކޮށް ފޮތިކޮށްފައި)

• 1/2 ސައިސަމުސާ މުގުރި އަސޭމިރުސް

• 1 ރޯމިރުސް (ހިމުންކޮށް ކޮށާފައި)

• 1/3 ސައިސަމުސާ އަޖިނަމޮޓޯ

• 1 ފަޅި ލުނބޯ

• 1 މޭޒުމަތީ ސަމުސާ ސޯޔާ ސޯސް

• 1/2 ސައިސަމުސާ މުގުރި މިރުސް

• ލޮނުކޮޅެއް

ތައްޔާރުކުރާ ގޮތް

1. ލުނބޯހުތާއި ލޮނާއި މުގުރި އަސޭމިރުހާއި މުގުރި މިރުހާއި ސޯޔާ ސޯސް އެއްކޮށް މޮޑެލާށެވެ. މި އެއްޗެއް މަސްފޮތިތަކުގައި ހާކާފައި ބަހައްޓާށެވެ.

2. ތަވާ އުނދުން މައްޗަށް އުދާލާފައި ކުޑަ ތެޔޮފޮދެއް އަޅާށެވެ. ތެޔޮ ހޫނުވީމާ މަސްފޮތިތައް ތަވާގައި އަތުރާށެވެ.

3. މަސްފޮތިތައް ދެފުށް ދެފުށަށް އަނބުރަމުން ފިހާށެވެ.

4. ވަކި ތަވާއެއް އުނދުން މައްޗަށް އުދާލާފައި ކުޑަ ތެޔޮފޮދެއް އަޅާށެވެ. ތެޔޮ ހޫނުވީމާ ފިޔާއާއި މިރުހާއި ތަރުކާރީ އެއްކޮށް އަޅާށެވެ.

5. ފިޔާ މޯޅިވީމާ ނޫޑްލްސް އަޅައި އެއްކޮށްލާށެވެ.

6. ނޫޑްލްސް ތަށްޓަކަށް އަޅައި، މަސްފޮތިތައް މަތީގައި އަތުރާލާށެވެ.

7. ޗިލީ އެން ގާލިކް ސޯސްއާއެކު ސާރވް ކުރާށެވެ.