ސަލްޓަން ބިރިޔާނި

ސަލްޓަން ބިރިޔާނިއަކީ ކުކުޅާއި ބާސްމަތީ ހަނޑޫ ގިތެޔޮ، ޔޯގަޓް، ހަވާދު އަދި ތެލުލި ފިޔާއާއެކު ކައްކައި، މައްޗަށް ނަޓްސް އަޅައިގެން ހަދާ ހަފުލާތަކަށް ރަނގަޅު ބާވަތެކެވެ. މި ރެސިޕީން ގިނަ ބަޔަކަށް ފުދޭވަރަށް ހެދޭނެއެވެ.

ބޭނުންވާ ތަކެތި

• 4-5 ކިލޯ ކުކުޅު (ކައްޓާއެކު ކޮށާފައި)

• 9 އައުންސް ގިތެޔޮ

• 50 އާމަންޑް ނަޓްސް / ކަނަމަދު / ކެޖޫނަޓްސް

• 9 ފިޔާ

• 6 ލޮނުމެދު

• 3 އިންޗި އިނގުރު

• 20 ކަރަންފޫ

• 6 ބުރި ފޮނިތޮށި

• 12 ކާފޫރުތޮޅި

• 1 ޖޯޑު ޔޯގަޓް

• 1 1/2 ސައިސަމުސާ ރީނދޫ

• 6 ސައިސަމުސާ ލޮނު

• 10 1/2 ޖޯޑު ފެން (10 ޗިކަން ކިއުބް އެއްކޮށްފައި)

• 2 1/2 ކިލޯ ބާސްމަތީ ހަނޑޫ

• 2 ގިތެޔޮ މިރުސް (ބޭނުންނަމަ)

ތައްޔާރުކުރާ ގޮތް

1. ކުކުޅު ކޮށާ ދޮވެ، ހަނޑޫވެސް ދޮވެ، އެއްޗެއްގައި އަތުރާފައި ބަހައްޓާށެވެ.

2. ފިޔާ ކޮށާ، ލޮނުމެދާއި އިނގުރު ޗިސްކުރާށެވެ.

3. ތަވައެއްގައި ނުވަތަ ތެއްޔެއްގައި ގިތެޔޮ ހޫނުކޮށްފައި ފުރަތަމަ އާމަންޑް ދެތިން މިނެޓަށް ތެލުލާށެވެ.

4. ދެން ފިޔާގެ ދެބައިކުޅަ އެއްބައި ރަތްވަންދެން ތެލުލާށެވެ.

5. ރަތްވުމުން ނަގައި، އާމަންޑާ ވަކިން ތެޔޮ ކަރުދާހެއްގައި ބަހައްޓާށެވެ.

6. ބާކީ ހުރި ފިޔާ ގިތެޔޮ ތެރެއަށް އަޅައި، ޔޯގަޓް، ބިރިޔާނި ހަވާދު އަދި ރީނދޫ އަޅާށެވެ.

7. ހުރިހާ އެއްޗެއް ރަނގަޅަށް ރަތްވުމުން، ހަނޑޫ ދެތިން ފަހަރަކަށް މަތިން އަޅައި އެއްކޮށްލާށެވެ.

8. ބޭނުންނަމަ ހުރިހާ ގިތެޔޮ މިރުސް އަދި ހައެއްކަ ބުރި ރާނބާފަތް އެއްކޮށްލާފައި، ފެނާއި ލޮނު އަޅާށެވެ.

9. 15 މިނެޓް ވަންދެން ކައްކާފައި ގިނި މަޑުކުރާށެވެ.

10. ދެތިން މިނެޓް ފަހުން ގިނި ނިއްވާލާފައި، މަތިޖަހައިގެން ބަހައްޓާށެވެ.

11. އާވިން މަޑުމަޑުން ރަނގަޅަށް ފެން ހިންދާށެވެ.

ނޯޓް

• ރީތި އޯވަލް ޝޭޕްގެ (ކުކުޅުބިސް ބުރު) ތައްޓަކަށް އަޅައި، މައްޗަށް ފިޔާއާއި ނަޓްސް އަޅައި ރީތިކުރެވިދާނެއެވެ.

• ބިސް ފެނުކައްކާފައި ފޮތިފޮތިކޮށް ވަށައިގެން އަތުރައި، ރަތް ބޮޑުމިރުހެއް ކޮށާފައި ބިސްތަކުގެ ދޭތެރޭގައި އަތުރާލުމުން ވަރަށް ރީތިވާނެއެވެ.

• މިގޮތަށް ތައްޔާރުކުރުމުން ކުޑަކުދިންވެސް ކާހިތްވާނެއެވެ.