Fast, works offline, no app store needed.
އިޤްތިޞާދު: އެންމެ ފަހުގެ ޚަބަރު
މިއަހަރު 15 އޮކްޓޯބަރާ ހަމައަށް ސޮވެރިން ޑިވެލޮޕްމަންޓް ފަންޑަށް 1.73 ބިލިއަން ރުފިޔާ ޖަމާކޮށްފައިވާއިރު، އެއީ ވޭތުވެދިޔަ އަހަރުގެ މި މުއްދަތަށްވުރެ 395.6 މިލިއަން ރުފިޔާ މަދު އަދަދެކެވެ.
ކާބޯތަކެތީގެ އަހަރީ އިންފްލޭޝަން ޖޫން މަހު 7.3 ޕަސެންޓަށް އަރާފައިވާއިރު، އޮގަސްޓް މަހު 5.7 ޕަސެންޓަށް ދަށްވެއްޖެއެވެ. ނަމަވެސް މާލޭގައި އޮގަސްޓް މަހު ރޭޓު މަދުން އަރާފައިވެއެވެ.
ހައުސިންގ ލޯނު ނަގަން ބޭންކުތަކުން ބޭނުންވާ އިކުއިޓީގެ ބައެއް ސަރުކާރުން ދައްކައިދޭނެ ދެ ސްކީމެއް ފަށައިފިއެވެ. ގެ ބިނާކުރުމަށް 200,000 ރުފިޔާއާ ހަމައަށާއި ގެ ގަތުމަށް 250,000 ރުފިޔާއާ ހަމައަށް އެހީ ލިބޭނެއެވެ.
ރާއްޖޭގައި ކާބަން މާރކެޓެއް ޤާއިމުކުރުމަށް ހަދާ ގަވާއިދުގެ ފުރަތަމަ ޑްރާފްޓް ނިމި، އެ ޑްރާފްޓް މިހާރު ރިވިއު ކުރަމުންދާ ކަމަށާއި، 2026 ވަނަ އަހަރު ނިމުމުގެ ކުރިން އެ ގަވާއިދު ގެޒެޓުކުރަން ސަރުކާރުން ބޭނުންވާ ކަމަށް ތިމާވެށީގެ މިނިސްޓަރު ޢަލީ ޝަރީފް ވިދާޅުވެއްޖެއެވެ.
ހައުސިންގ ވުޒާރާގެ ދަށުން ފެށިފައިވާ މަޝްރޫޢުތައް ނިންމުމަށް 58.83 ބިލިއަން ރުފިޔާ ހަރަދުވާނެ ކަމަށާއި، މިއަހަރުގެ ބަޖެޓުގައި ވަކި މަޝްރޫޢަކަށް ވަކި އަދަދެއް ކަނޑައަޅާފައި ނުވާ ކަމަށް މިނިސްޓަރު ޑރ. ޢަބްދުއްލާ މުއްޠަލިބު މަޖިލީހަށް ބުނެފިއެވެ.
ދުވާލަކު 30 ޓަނުގެ އައިސް އުފައްދައި 50 ޓަނު ރައްކާކުރެވޭ ފެންވަރުގެ އައިސްޕްލާންޓް 11 ރަށެއްގައި ޤާއިމުކުރުމަށް، މަސްވެރިކަމުގެ ވުޒާރާއިން މެލޭޝިއާގެ އަލްޓަސް އޮއިލް އެންޑް ގޭސް ކުންފުންޏާއެކު އެއްބަސްވުމެއްގައި ސޮއިކޮށްފިއެވެ.
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ބެލުމުގެ ދަށުގައި އޮތް 25,011 އަކަފޫޓުގެ ބިމެއް، 94.5 މިލިއަން ރުފިޔާއަށް ފިނޭންސް މިނިސްޓްރީން ގަނެފިއެވެ. އެ ބިން ބޭނުންކުރާނެ ގޮތެއް އަދި ހާމައެއް ނުކުރެއެވެ.
އޮގަސްޓު މަހުގެ އިގުތިސާދީ އުފެއްދުންތެރިކަން 9.64 ބިލިއަން ރުފިޔާއަށް އަރައި، މިދިޔަ އަހަރުގެ އޮގަސްޓާ އަޅާބަލާއިރު 2.4 ޕަސެންޓް އަދި ޖުލައި މަހާ އަޅާބަލާއިރު 5.4 ޕަސެންޓް އިތުރުވެފައިވާ ކަމަށް މޯލްޑިވްސް ބިއުރޯ އޮފް ސްޓެޓިސްޓިކްސްއިން ބުނެފިއެވެ.
ގޯތި ލިބިފައިވާ މީހުން ގެދޮރު އަޅަން ބޭންކުން ލޯނު ނަގާއިރު ދައްކަން ޖެހޭ ފަސް ޕަސެންޓުގެ އިކުއިޓީއަށް، އަނބުރާ ދައްކަން ނުޖެހޭ ގޮތަށް އެހީދޭ ސްކީމެއް ތައްޔާރުކުރަމުންދާ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
މި އަހަރު މިހާތަނަށް ސަބްސިޑީއަށް ސަރުކާރުން ހޭދަކުރި އަދަދު 4.3 ބިލިއަން ރުފިޔާއަށް އަރައިފިއެވެ. އެއީ ބަޖެޓުގައި ކަނޑައެޅި އަދަދަށްވުރެ ދެބައިކުޅަ އެއްބައި އިތުރު އަދަދެކެވެ.
ސަރުކާރުން ފެނަކަ ކޯޕަރޭޝަން އުވާލައި، އެ ކުންފުނީގެ މަސައްކަތްތައް ސްޓެލްކޯގެ ދަށަށް ގެންދަމުންދާއިރު، ފެނަކައިގެ މެނޭޖިންގ ޑިރެކްޓަރު މުޙައްމަދު އަފީފް ޙުސައިން ބުދަ ދުވަހު އެ މަޤާމުން ވަކިކޮށްފިއެވެ.
މާލޭގެ އެދުމުގައި، ރާއްޖަށް ދެއްވި 320 މިލިއަން ޑޮލަރުގެ ކަރަންސީ ސްވޮޕް ފެސިލިޓީ، 3 މަހަށް އިތުރުކުރުމަށް އިންޑިޔާ އެއްބަސްވެފައިވާކަމަށް ބުނެފައިވެއެވެ. ނަމަވެސް ނިއުދިއްލީން އަދިވެސް ރަސްމީ ތަސްދީޤެއް ނުފޯރުކޮށްފައެވެ.
ބޭރުގެ ޓުއަރ އޮޕަރޭޓަރުންނާއި ޓްރެވަލް އެޖެންޓުންނާއި ބުކިންގ ޕްލެޓްފޯމްތަކުން 17 ޕަސަންޓް ޓީޖީއެސްޓީ ނެގުން ފަސްކޮށް، 2026 ގެ 1 އޮކްޓޯބަރުގެ ބަދަލުގައި 2027 ގެ 1 އޭޕްރިލުން ފެށިގެން ތަންފީޒުކުރާނެއެވެ.
ތެލުގެ އަގު ބޮޑުވެ ހަކަތައިގެ ސަބްސިޑީގެ ހޭދަ ތިންގުނަ އިތުރުވުމާއެކު، ރިޒާވް ވަރުގަދަކުރުމާއި އިގްތިސޯދީ އިސްލާހުތަކަށް ބައިނަލްއަގުވާމީ މާލީ އިދާރާތަކުގެ އެހީއަށް އެދިފައިވާކަމަށް ފިނޭންސް މިނިސްޓަރު ހަސަން ޒަރީރު ވިދާޅުވެއްޖެއެވެ.
މިއަހަރުގެ މޯލްޑިވްސް އެކްސްޕޯގައި 780 ވިޔަފާރިއެއް ބައިވެރިވެ، ގާތްގަނޑަކަށް 4,800 ބާވަތެއްގެ ތަކެތި ދައްކާނެކަމަށް އިގްތިސާދީ ވަޒީރު މުހައްމަދު ސަޢީދު ވިދާޅުވެއްޖެ.
ދޯންޏަކުން ވިއްކާ މަހުގެ މިންވަރަށް ބަލައި، ކަޅުބިލަމަހުގެ ކިލޯއެއް 21 ރުފިޔާއާއި 22.75 ރުފިޔާއާ ދެމެދުގެ އަގެއްގައި މިފްކޯއިން މިހާރު ގަނެއެވެ. ފަސް ޓަނާ ހަމައަށް ވިއްކާ ދޯނިތަކަށް ލިބޭނީ ސެޕްޓެމްބަރުގައި ކަނޑައެޅި 22 ރުފިޔާއަށް ވުރެ ކުޑަ އަގެކެވެ.
ރިސޯޓު ތަރައްޤީކުރަން ކުއްޔަށް ދީފައިވާ 161 ރަށާއި ފަޅު އަދިވެސް ތަރައްޤީ ނުކުރެވި ހުރި ކަމަށާއި، އެގްރީމެންޓު ބާޠިލުކުރެވޭ ގަވާއިދު ހަފްތާއެއްގެ ތެރޭގައި ތަންފީޛުކުރަން ފަށާނެ ކަމަށް ޓޫރިޒަމް ވަޒީރު މުޙައްމަދު އަމީން ވިދާޅުވެއްޖެއެވެ. އަދި އެއްވެސް ލީހެއް ބާޠިލުކޮށްފައެއް ނުވެއެވެ.
އަމިއްލަ ޚަރަދުން ޢިލާޖަށް ބޭރަށް ދާ މީހުންނަށް 1,000 ޑޮލަރު ލިބޭނީ އިންޑިޔާ، ސްރީލަންކާ، ތައިލެންޑް، ސިންގަޕޫރު، މެލޭޝިޔާ އަދި އެމިރޭޓްސްއަށް ދާންވީމައެވެ. އާސަންދާއިން ދާ މީހުންނަށް 2,000 ޑޮލަރު ލިބޭނެއެވެ.
